Tere Baghair Meri Umar

Zubaan rakhta hun lekin chup khada hun,
main aawaazon ke ban mein ghir gaya hun.

Mere ghar ka daricha puchhta hai,
main sara din kahan phirta raha hun.

Mujhe mere siwa sab log samjhe,
main apne aap se kam bolta hun.

Sitaaron se intehaa ki hasad hai,
main qabaron par charaagan kar raha hun.



Sambhal kar ab hawaaon se uljhna,
main tujh se peshtar bujhne laga hun.

Meri qurbat se kyon khaaif* hai duniya,
samandar hun main khud mein gunjta raha hun.

Mujhe kab tak sametega woh ‘Mohsin
main andar se bahut toota hua hun.

Tere Khayal Mein Kuch Aise Gum Raha Barson

Main Apne Ap Se Bhi Mil Nahi Saka Barson

Kahin Wo Zaeqa Tehleel Hi Na Ho Jaey

Main Us Se Mil Ke Kisi Se Nahi Mila Barson

Kaha Tha Tumne Ke Tum Lout Aao Gay Ek Din

So Main Jahan Tha Wahin Par Khara Raha Barson



Tere Baghair Meri Umar Raegaan Guzri

Koi Bhi Kaam Nahi Theek Se Huwa Barson

Tumhare Hath Ki Dastak Ki Aas Mein "Mohsin"

Main Apne Ghar Se Kahin Bhi Nahi Gaya Barson