سرائیکی ڈھڑے
Saraiki Duhry Shakir Shuja abadi Saraiki Poetry Sms
اعتبار نہ کر انہاں سوہنیاں تے اج کجھ ہوند ن کل کجھ ہوندن
منہ زور مزاج دے مالک ہن، گھڑی کجھ ہوندن پل کجھ ہوندن
انھاں حسن دیاں بھریاں بوتلاں دے گل کجھ ہوندن تل کجھ ہوندن
ہِن شاکر مثل کر یہاں دے،پھُل کجھ ہوندن ،پھَل کجھ ہوندن
(شاکر شجاع آبادی)
جیویں میکو ں آن روایا ہئی ،اینویں میں وانگوں پل پل روسیں
ہک واری روکے تھک بہہ سیں ،ول دل ڈکھسیا، توں ول روسیں
نہ ڈکھڑے آن ونڈ یسیا کوئی ،تو ں لاکندھیاں کوں گل روسیں
بس شاکر فرق معیاد داہے، میں اج رونداں، تو ں کل روسیں
(شاکر شجاع آبادی)
میں قیمتی ہاں پر بے فائدہ کہیں سُک دریادی پُل وانگوں
بیٹھا تُر تُر ڈھداں باغاں کوں کہیں کھمب کھتھڑے بلبل وانگوں
سٹیے کاوڑنال بھکا میکوں کہیں اجڑی سیج دے پھل وانگوں
میں شاکر اپنے مالک کوں ہاں یاد معمولی بھل وانگوں
(شاکر شجاع آبادی)
وڈی تانگھ رکھیم تیڈی عزریلا ،بیٹھاں تانگھ لہا اُتوں تو ں آگئیں
ساری عمراں روندیں گزری ہے ملئے سکھ دا سا ہ اُتوں توں آگئیں
مسیں قاصد یار منا کے آئے، ودا بہندا ہا اُتوں توں آگئیں
اج قسمت ڈکھ داشاکر کوں ڈتے گول دوہا اُتوں توں آگئیں
(شاکر شجاع آبادی)
بے وزنے ہیں تیڈی مرضی ہے، بھانویں پا وچ پا بھانویں سیر اچ پا
پا چن دی چِٹی چاندنی وچ، بھانویں رات دے سخت ہنیر اچ پا
پا کہیں دشمن دی فوتگی تے، یا جُھمر دے کہیں پھیر اچ پا
راہ رُلدے شاکرؔ کنگن ہیں، بھانویں ہتھ وچ پا، بھانویں پیر اچ پا
(شاکر شجاع آبادی)
(شاکر شجاع آبادی)
سرائیکی غزل
فکر دا سج ابھردا ہئے سوچیندیاں شام تھی ویندی
خیالیں وچ سکون اجکل گولیندیاں شام تھی ویندی
انھاں دے بال ساری رات روندین، بُھک توں سُمدے نئی
جنھاں دی کہیں دے بالاں کوں کھڈیندیاں شام تھی ویندی
غریباں دی دعا یارب خبر نہیں کن کریندا ہیں
سدا ہنجوؤاں دی تسبیح کُوں پھریندیاں شام تھی ویندی
کڈھیں تاں دُکھ وی ٹل ویسن کڈھیں تاں سکھ دے ساھ ولسن
پُلا خالی خیالاں دے پکیندیاں شام تھی ویندی
مینڈا رازق رعایت کر نمازاں رات دیاں کردے
جو روٹی رات دی پوری کریندیاں شام تھی ویندی
میں شاکر بُھک دا ماریا ہاں مگر حاتم تُوں گھٹ کائینی
قلم خیرات مینڈی ہے چلیندیاں شام تھی ویندی
(شاکر شجاع آبادی)
میڈا دلبر پیار دیاں گالھیں ہن، گھت کنڈے تو لوں کیا فائدہ
کوئی اَ ن بن ہے تاں ساڈی ہے ،اگوں جگ دے پھولوں کیا فائدہ
توں اپنی جاہ میں اپنی جاہ ، ودے آسرے گولوں کیا فائدہ
جہڑی گنڈھ شاکر ہتھ نال کھلے، چک نال چاکھولوں کیا فائدہ
ربا ڈہدا بیٹھاں تُرتُر کے تیڈی دنیا تے جو تھینداپے
کوئی بلھے شاہ ،کوئی مہر علی ،باہو سلطان سڈیندا پے
کوئی کوٹ مٹھن داشہزادہ وچ جگ دے ڈیکھ چمینداپے
ہک شاکر ہے تیڈی دنیا تے جیہڑا مویاں لکھے جنیداپے
(شاکر شجاع آبادی)
اعتبار نہ کر انہاں سوہنیاں تے اج کجھ ہوند ن کل کجھ ہوندن
منہ زور مزاج دے مالک ہن، گھڑی کجھ ہوندن پل کجھ ہوندن
انھاں حسن دیاں بھریاں بوتلاں دے گل کجھ ہوندن تل کجھ ہوندن
ہِن شاکر مثل کر یہاں دے،پھُل کجھ ہوندن ،پھَل کجھ ہوندن
(شاکر شجاع آبادی)
جیویں میکو ں آن روایا ہئی ،اینویں میں وانگوں پل پل روسیں
ہک واری روکے تھک بہیں ،ول دل ڈکھسیا، توں ول روسیں
نہ ڈکھڑے آن ونڈ یسیا کوئی ،تو ں لاکندھیاں کوں گل روسیں
بس شاکر فرق معیاد داہے، میں اج رونداں، تو ں کل روسیں
(شاکر شجاع آبادی)
میں قیمتی ہاں پر بے فائدہ کہیں سُک دریادی پُل وانگوں
بیٹھا تُر تُر ڈھداں باغاں کوں کہیں کھمب کھتھڑے بلبل وانگوں
سٹیے کاوڑنال بھکا میکوں کہیں اجڑی سیج دے پھل وانگوں
میں شاکر اپنے مالک کوں ہاں یاد معمولی بھل وانگوں
(شاکر شجاع آبادی)
ﮐﻞ ﺷﮩﺮ ﺗﯿﮉﮮ ﮨﮏ ﺷﺨﺺ ﻣﻠﯿﮯ ﺟﯿﮍﮬﺎ ﻣﻦ ﺗﻘﺪﯾﺮﺍﮞ ﺭﻭﻧﺪﺍ ﮨﺎ ..
ﮨﺎﺳﯽ ﮨﺘﮫ ﻭﭺ ﺧﻂ ﮐﮩﯿﮟ ﺳﻨﮕﺪﻝ ﺩﺍ ﭘﮍﮪ ﭘﮍﮪ ﺗﺤﺮﯾﺮﺍﮞ ﺭﻭﻧﺪﺍ ﮨﺎ ..
ﮐﺪﯼ ﺑﮩﮧ ﻭﯾﻨﺪﺍ ﮨﺎ ﺧﺎﮎ ﺍﺗﮯ ﻭﺕ ﻣﺎﺭ ﻟﮑﯿﺮﺍﮞ ﺭﻭﻧﺪﺍ ﮨﺎ ..
ﮨﺎ ﺷﺎﮐﺮ ﮐﮩﯿﮟ ﺩﯼ ﺗﺎﻧﮕﮫ ﺩﮮ ﻭﭺ ﭼﻢ ﭼﻢ ﺗﺼﻮﯾﺮﺍﮞ ﺭﻭﻧﺪﺍ ﮨﺎ
(شاکر شجاع آبادی)
